Entzia - Naturako forma bitxiei
Formas caprichosas de la Naturaleza - Enztia
Maitagarriak, iratxoak eta jainkoak basoetan
dabiltza. Egunsentian ikus ditzakezu eta, batez
ere, solztizio eta ekinozioetako arrats eta
eguerdietan. Hala ere, ilargi beteko udako eta uda
amaierako gauak maite dituzte bereziki.
Ausartzen bazara, San Joan gauean ikusiko dituzu, edo
arimen egunean edo Santa Luzian. Bihurrikerietan
ibiltzen dira, berriro ere argira jaiotzeko
promesarekin.
Senti ditzakezu eta ikusi ere bai adi eta isilik ibiltzen
bazara baso trinkoetan, mendi arteko bide ilunetan,
kobazuloetan, harkaitz arteko lainoan eta orbelez
estalitako bidezidorretan.
Zeruari begira dauden harrien artean ezkutatzen
dira. Harri horiek erronka egiten diote zeruari,
denbora neurtzen dute, egunen eta urtaroen joana
dute gogoan, lurperatzeko tokiak adierazten dituzte,
harrizko bihurtu diren zentinela mutuen antzera
munduaren hasierako sekretu atabikoak zaintzen
dituzte, guztiaren jatorriari buruzkoak.
Ongi begiratuz gero, lamia eder eta liluragarriak
ikusiko dituzu urezko ispiluaren beste aldean, iturri
baten ondoan edo ur-jauzien atzean, goroldiozko
horman eserita.
Beldurtiak omen dira eta erreka
bazterretan agertzen dira urrezko orraziarekin ile
horia orraztuaz eta sirenenak bezalako kantu
hipnotikoak abestuaz; izan ere, lehengusinak dira
Konjuruak egiten ez badakizu edo toki sagaraturen
batera iristeko gai ez bazara, estali ongi belarriak
eta urrundu ibaitik edo... maitemindu egingo zara.
Begiratu ongi naturako forma bitxiei, izaki magikoek
atsegin baitute adarren, hostoen eta enborren
artean egotea eta zuhaitzaren arkitekturaren zati
izatea, arkitektura hori fraktala baita, zainak eta
sustraiak bezala, eta lurpean sartzen dira, han
baitute bizitokia.
Oso artistak direnez, eskultura gustatzen zaie eta
lan miragarriak egiten dituzte, hala nola, abadia
txikiak haitzetan, beraien berezko gaitasunarekin
eta euriarekin eta haizearekin arkuak eta kupulak zizelkatuta.
Baina orbelez estalitako bidexka baten
amaieran ate bat ikusten baduzu, ez igaro
bestaldera. Inoiz ez dakizu non agertuko zaren,
ezta agertuko zarenik ere.
TEXTOS Y FOTOS:
PELCONS
PABLO CORRES “EZTUINAGA”
MIRENTERESE
ROBERTO GALLEGO
ANDER GARCIA
ZAZPI RUIZ DE INFANTE
PATXI URBINA
KEPA RUIZ DE EGUINO
No hay comentarios:
Publicar un comentario